الأحد، 11 مايو 2008

12 )خلي بالكم من أعضائكم



زي كل يوم رايح الشغل راجع من الشغل عادي يعني لكن النهاردة كان يوم غريب جدا روحت المستشفى مكان عملي لصيانة الأجهزة عادي خالص وكان فية جهاز تخدير عطلان وطلبت لإصلاحة فورا لأن فية عملية حتتعمل لسيدة بعد نصف ساعة من الآن.

سيبو في حالو : نعم؟ نصف ساعة أزاي؟ دة بياخد وقت عقبال مشوف العطل وأجيب قطع الغيار وأعمل الازم دة ممكن ياخد اليوم كلة.

الدكتور : مينفعش لو الست معملتهاش النهاردة حيكون في خطورة على حياتها .

سيبو في حالو : أصل ..

الدكتور : مفيش وقت نضيعة تعالى صلح في أوضة العمليات يالا خلينا نخلص بقى.

سيبو في حالو : أمري للة حجيب العدة وأحصلك.

وفي أوضة العمليات

الدكتور : على بركة اللة نبتدي.

المريضة : أية دة يا دكتور مفيش بنج؟

الدكتور: حالا ويكون جاهز.

وبدأ الدكتور في العملية من غير ميبنج المريضة

المريضة : أاااااااااااااااااااااااااااااااااااااااااااااااااااااااااااااااااااااااااااااااااة

سيبو في حالو : أية دة فية أية ؟؟ أية الدم دة ؟ (ثم أغمى علية من الصريخ والمنظر).

الدكتور : فواقوة مفيش وقت نضيعة .

(أنا أفوق والست يغمى عليها من شدة الألم وفضل الحال دة يتكرر هي تفوق وأنا أروح في غيبوبة).

سيبو في حالو : أنا زهقت إية أوضة التعذيب دي أنا لازم أتصرف.

و صلحت الجهاز لكني مقلتش للدكتور لإني لو قولتلةا حفضل موجود طول العملية لغاية متخلص وممكن اليوم كلة لباقي العمليات, طب تفتكروا أعمل أية علشان أهرب من الموقف دة ؟؟؟؟؟؟؟؟؟؟؟؟

كل اللي عملتة إني شغلت الجهاز على نفسي فأخدت جرعة مخدرة من جهاز التخدير ونممممممممممممممممممت لمدة مش عارف قد أية بالظبط وفجاءة...

الممرضة : قوم قوم أصحى أنت يا أخينا ..... دأنت نومك طوييييييييل أوي إية البرود دة؟؟

سيبو في حالو: أية في أية أنا فين وأية اللي أنا لابسة دة....؟أنا لابسة دة....؟

الممرضة : مبروك على نجاح العملية .

سيبو في حالو : عملية أية؟؟؟؟؟

الممرضة : أصل لما أغمى عليك كان في التوقيت دة عملية الست خلصت ونجحت وأنت كنت مرمي على الأرض فالدكتور شك فيك إن عندك حاجة فعملك عملية سريعة.

سيبو في حالو: وهو شك في إية؟؟؟

الممرضة : أصلك كنت بتشخر جامد أويييييييييييييييييييي وعملتلنا صداع وعملين نصحي فيك وأنت في عالم سمسم أأقصد في عالم تاني , وكل اللي عملة إنة شلك اللوزتين بس وشلك اللحمية بس يعني ظبطك على الأخر.

سيبو في حالو : بس ها؟

الممرضة : أة .

سيبو في حالو: يعني مجاش جنب الكلى والكبد والفشة والقلب ؟

الممرضة : تقريبا لاء.

سيبو في حالو: نعععععععععععععععععععععم تقريبا ؟؟؟؟ أنا حوديكم في داهية وبعدين أنا مش حاسس برجليا لية؟

(ولسة حقوم ملقتش رجليا الأتنين)

سيبو في حال : حرااااااااااااااااااااااااااااااااممممممممممممممممي الجزمة اتسرقت (تمت).

22 Comments:

ftafeet said...

���������������
���� ���� ���� ������ ��


���� �� ���� ������� � �� ������ ����� ����� ���� ��� �� � ���� ���� ���� ��� �������
����� ���� ����� ��� ������ �� ���� ���� ���� ������ ��

������� �� ��� ��� ���
��� ��� ������ ��� �� ������ ����(��20000000000�� ����)

���� ������ ���


��� ���� ���� �������������


���������

Empress appy said...

هههههههههه خدوا اللحميه بتاعتك يا لهوى طيب كده هينقصوا من مهرك يا ابنى
بس فعلا دى مشكله ان المستشفيات بقت بتسرق اى اعضاء تقابلها يا لهوى علشان كده مش بحب المستشفيات هههههههههه
حلوة وضحكتنى موووووووت

sebofy7alo said...

ftafeet
منا كنت تحت تأثير المخدر ومش حاسس هما اللي عملوا الواجب .
ههههههههههههههههههههههههه

appy
الموضوع دة كتييييييييير أوي وبدون رحمة ودة سوق كبير زي البورصة ناس كتيرة من المسؤلين مغميين عنيهم بس ربنا يستر .

محمود الدوح said...

كويس انها جت على الجزمة بس

ان عملت اشاعات بعديها عشان تتأكد

بمناسبة عملية اللوز
انا عايز لوزة
ههههههههههههههههههههه

اهو ده عيبه said...

دى اول مرة اعلق هنا بس ان شاء الله ابقى زبونة مستديمة

بس موت على نفسى بجد من الضحك فى حد يبنج نفسه فى وسط الجزارين دول

واضح ان الدكتور كان متحمس قوى وايده بتاكله على اى عملية وربنا يستر وميكونش قلبك فى حاجه تانية

تحياتى ليك

غير معرف said...

هههههههههههههه
لا جامده

صحيح ازاى تامن لنفسك وسط العالم النص كم دول
تبنج نفسك جوه اوضه العمليات يا رااااااجل

احمد ربنا بقى انها جت على اد كده
هههههه

سلامى
:))

sebofy7alo said...

محمود الدوح
أزيك , خد يا خويا اللوز اللي نفسك فية , وفية مشكل كمان(ههههههههه)
سلام ياعسل

أهو دة عيبة
نورتي المدونة
هو بعد العملية فضلت أدور على المنديل الورق بتاعي وملقتهوش (إن بعض الظن إثم)
ههههههههههههه

Shayma
طب أعمل إية مفيش غير كدة , بس مكنتش فاكر إن دة اللي حيحصل.
ههههههههههههه

غير معرف said...

ههههههههههههههههههههه

وانا بقول انت مجتش البورصه ليه الخميس الي فات

اتاري العمليه كده

لا بجد هايل

استمر


تحياتي
و
محبتي

كلبوزة لكن سمباتيك said...

خيالك واسع جدا
هايل

الى الامام

تحياتي

NIDAAL .R said...

ها نيتك ايه النهاردة يا بشمهندس ؟
فاهم على ايه طبعاً !!!!
عارف انا الى عجبتنى اوى ايه
انك لما جيت تقوم ما لقيتش رجلك اساساً
يعنى عملية السرقة ما بقتش فى السر فقط ولكن بقت علنية
يلا خلى الناس تعرف تاكل مش مشكلة رجليك ولا كليتك .. انت بتساهم فى عمل الخير يا هندسة ..ههههههههههههههههههههههه
تحياتى ليك و لدمك الخفيف و عالمك الخيالى البسيط الجميل عايزيين نطير بقى و ننسى
أقولك .. اشرب علشان تنسى
مية طبعاً مهى ملوثة فهتسطل و اهى مش حراام
تحياتى
نضال

sebofy7alo said...

عبد الرحمن فارس
شوفت بقى
هههههههههههههههههههه.

Sampateek
شكرا ليكي وأتمنى مدومتك هنا.

nidaal pal
ههههههههههههههه أيوة فاهم
انت دمك شربات .
تحياتي ليك

R-H-S said...

هههههههههههههههه
ياخبر ابيض ؟؟؟؟؟
هو ممكن الدكتور يكون معزور في كبده او فشه او قناصه يقوم واخدها من واحد بيعمل عمليه عاديه ؟؟؟؟

ياخوفي انا كنت عملت عمليه في عيني ياتري خدو ايه وانا بعملها؟؟؟؟

dodda said...

الجزمه كانت غاليه؟؟؟؟؟؟

تعيش وتدوب ...

غير معرف said...

ههههههههههههه

والنبي ممكن تخليه يعمل نفس عمليتك لريم اختي هى عندها 5 سنين بس خلااااص مابنمش منها
و الله هتبئى خدمتني خدمة العمر

sebofy7alo said...

gehad
طيب دول كام ؟؟ شايف كدة ؟؟ طب كدة؟؟ لالالا روح دور على عينيك شكلها صيني
ههههههههههههههههه
تحياتي

dodda
هىء هىء هىء أنت فييين يا جزمتي هىء هىء
هههههههههههههههههههه

نورة الخشن
ربنا يخليهالك , لا بصي انا حكلمهوليك أنة يعملك أنت أي عملية وحيظبطك ممكن ياخد الودان بس , دة ققل حاجة.
ههههههههههههههههههه

رئـــــيسـة حزب الأحلام said...

ربنا يستر وميكنوش سرقوا حاجة تانية دول مايصدقوا
ربنا يعينك دمك خفيف اوى
تحياتى لك

Unknown said...

ايوه انا بعد كده هسيب لغاليغي في البيت
جميله يا شريف بجد الكلام ده لو حصلك تبقى مشكله
الا صحيح الجزمة كانت ماركه ايه
اوعى تكون باتا هزعل عليها قوي
عادي انا بتلامض بس
جميله يا شريف حقيقي
روحك حلوة في الكتابه

Unknown said...

اخيرا عرفت اعلق
معلش باخد تعليقين مش مصدقه نفسي من الفرحه يا جدعان

خواطر رئيس شاب said...

طيب دور تانى احسن يكونوا اخدوا حاجة تانية

والمهم انك قمت بالسلامة

نور جديد said...

ههههههههههههههههههههههههههههههه
السلام عليكم
ماشاء الله يا باشمهندس اول مرة ادخل
المدونة عموما رائعة
و التدوينة دي بجد حلوة جدا ما شاء الله
هي دي مصر و هو ده الشعب المصري
مستعد للخدمة في اي وقت و بدون ما حد يطلب منه

rtrcbh said...

السلام عليكم ورحمه الله وبركاته
آخى الكريم
لما أراك لم تشارك معنا فى حملتك إلى الآن ؟
أخي العزيز : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أخي الحبيب أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

ojg said...

جامده جداااا
ضحكتني مووووت
ربنا يستر علي اعضاءنا يابني
ماهو اللي مش بيبيعها اليومين دول بقت تتسرق منه
وكويس انها جت ع الجزمة واللوز

blogger templates 3 columns | Make Money Online